«Milan»ning sobiq hujumchisi Zlatan Ibrahimovich seshanba kuni Chempionlar ligasi doirasida «Liverpul»ga qarshi o‘yindan oldin Italiya klubidagi boshqaruvchi rolini muhokama qilib, «boshqalar men uchun ishlaydi» dedi.
Milan xo‘jayinlari RedBird Capital 2023 yil dekabr oyida Ibrahimovichni klubning katta maslahatchisi bo‘lish huquqiga ega operasion hamkor sifatida e’lon qildi. Shvesiyalik futbolchi «Milan», «Ayaks» , «Yuventus» , «Inter» , «Pari Sen-Jermen» , «Manchester Yunayted» , «Barselona» va «Los-Anjeles Gelaksi» kabi klublarda o‘ynaganidan so‘ng 2022/23 yilgi mavsum oxirida faoliyatini yakunlaganini e’lon qildi.
42 yoshli Ibragimovich Sky Sport nashrining o‘z roliga oydinlik kiritishini so‘raganida: «Men boshliqman va men mas’ulman, qolganlarning hammasi men uchun ishlaydi» dedi.
Ibragimovich klubning sobiq direktori Zvonimir Bobanning tanqidi haqidagi savolga javob berdi.
«Arslon ketsa, mushukchalar keladi. Arslon qaytib kelganida mushukchalar g‘oyib bo‘ladi», - dedi Ibragimovich - «Daraja juda past, gap juda ko‘p, lekin men faqat ishlash haqida o‘ylayman. Shaxsiy sabablarga ko‘ra uzoqda edim, lekin men birinchi kundan beri shu yerdaman».
