Zelenskiy: "Rossiya Ukrainaga yangi ommaviy hujumlar tayyorlamoqda"

Yaqin kunlarda Rossiya Ukrainaga yangi ommaviy aralash zarba berish ehtimoli bor.

Bu haqda Ukraina rahbari Vladimir Zelenskiy kechki murojaatida ma’lum qildi.

«Razvedka ma’lumoti bor: ruslar yangi ommaviy zarba tayyorlamoqda. PVOni charchitish uchun dronlar va raketalardan foydalanishni rejalashtirishmoqda. Ular sovuqdan foydalanmoqchi», — dedi Zelenskiy.

U yangi dushman zarbasi yaqin kunlarda bo‘lishi mumkinligini ta’kidlab, ukrain xalqini hushyorlikka chaqirdi.

Eslatib o‘tamiz, so‘nggi vaqtlarda Rossiya Qurolli Kuchlari Ukrainadagi energetika ob’ektlarini maqsad qilib hujum qilmoqda, ayniqsa qattiq sovuq sharoitida.