Zelenskiy: "Rossiya Ukrainaga qarshi ommaviy hujum uyushtirishga tayyorgarlik ko‘rmoqda"

Rossiya kuchlari Ukrainaga yangi yirik hujum uyushtirishi mumkin.

Bu haqda Ukraina prezidenti Vladimir Zelenskiy kechki nutqida ma’lum qildi.

U fuqarolarni havo hujumi sirenalarini diqqat bilan kuzatishga chaqirdi.

"Bizda ruslar katta hujumga tayyorlanayotgan bo‘lishi mumkinligi haqida razvedka ma’lumotlari bor. Biz allaqachon havo mudofaasi kuchlariga tegishli buyruqlarni berganmiz", deb ta’kidladi Ukraina rahbari.

Rossiya Qurolli Kuchlari tomonidan yangi yirik hujum tahdidi haqidagi xabarlar dushanba kuni mahalliy Telegram monitoring kanallari tomonidan ham e’lon qilindi. Rossiya Kiyev temir yo‘l vokzaliga hujum qilishi mumkinligi haqida xabarlar bo‘lgan, bu esa go‘yoki ustuvor nishonlar qatoriga kiradi.