Ukraina prezidenti Vladimir Zelenskiy o‘t ochishni to‘xtatish sharti bilan Rossiya bilan to‘g‘ridan-to‘g‘ri muzokaralarni boshlashga tayyorligini ma’lum qildi. Bu haqda Axios Yevropa yetakchilari atrofidagi manbalarga tayanib xabar berdi.
Kiyevdagi muzokaralar chog‘ida Germaniya kansleri Fridrix Mers, Fransiya prezidenti Emmanuel Makron, Buyuk Britaniya bosh vaziri Kir Starmer va Polsha bosh vaziri Donald Tusk Zelenskiy bilan birgalikda Donald Tramp bilan telefon orqali muloqot qildi. Siyosatchilar Ukraina va ittifoqchilar Moskvaning roziligi bilan 12 maydan boshlab 30 kunlik muddatga o‘t ochishni to‘liq to‘xtatishga tayyorligini bildirgan.
"Agar Rossiya sulhga rozi bo‘lsa, Ukraina tinchlik muzokaralarini boshlaydi," - deya ta’kidladi nashr suhbatdoshlari.
Agar Moskva rad etsa, Yevropa davlatlari yangi sanksiyalar kiritadi.
Kreml milliardlab topmoqda, Yevropa esa milliardlab sarflamoqda
Durov: "Men rusman!"
Pokiston va Afg‘oniston o‘rtasida qurolli mojaro boshlandi
