Ukraina prezidenti Vladimir Zelenskiy Parijga tashrifi arafasida Le Figaro gazetasiga bergan intervyusida Emmanuel Makron Rossiyani tahqirlashdan qochish zarurligini ta’kidlaganidan keyin o‘zgarganini aytdi.
«Menimcha, u o‘zgardi va haqiqatan ham o‘zgardi», dedi Zelenskiy, jurnalistlar unga Fransiya prezidentining Rossiyani kamsitib qo‘ymaslik kerakligi haqidagi so‘zlaridan Kiyev qanchalik xafa bo‘lganini eslatganda.
O‘tgan yilning iyun oyida Makron Rossiyani xo‘rlamaslik juda muhimligini, to‘qnashuvlar to‘xtatilgach, mojaroga diplomatik yechim topilishini aytgan edi.
«Oxir-oqibat, aynan Makron tanklar yetkazib berishga yo‘l ochdi va u Ukrainaning Yevropa Ittifoqiga a’zolik arizasini ham qo‘llab-quvvatladi», dedi Zelenskiy.
