Zelenskiy Kiyev va Vashington o‘rtasida ayrim masalalarda kelishmovchilik borligini tasdiqladi

Ukraina prezidenti Vladimir Zelenskiy Kiyev va Vashington o‘rtasida ayrim masalalarda fikrlar mos kelmasligini tasdiqladi. Bu haqda u Chexiya prezidenti Petr Pavel bilan o‘tkazilgan qo‘shma matbuot anjumanida ma’lum qildi, deb xabar bermoqda «Evropeyskaya pravda».

Zelenskiyning aytishicha, Ukraina va AQSh o‘rtasida hamkorlik yaxshi yo‘lga qo‘yilgan, ammo ba’zi masalalarda tomonlar turli pozisiyada. «Men davlatimiz manfaatlarini himoya qilaman», — dedi u.

Shuningdek, u ultimatumlarni davlatlar o‘rtasidagi demokratik munosabatlar uchun samarasiz model deb atadi.