Trampdan yana bir tahdid: Eron davlat sifatida yo‘q qilinadi!

Tramp Ho‘rmuz bo‘g‘ozi qamali davom etsa, Eronni davlat sifatida yo‘q qilish bilan tahdid qildi.

"Biz zaif nishonlarni oson yo‘q qilamiz, bu esa Eronni davlat sifatida qayta tiklashni deyarli imkonsiz qiladi. Ularga o‘lim, olov va g‘azab yog‘iladi", — deb yozdi AQSh prezidenti Truth Social ijtimoiy tarmog‘idagi sahifasida.

Ma’lumot uchun, avvalroq Eron Islom inqilobi qo‘riqchilari korpusi AQSh va Isroil elchilarini chiqarib yuborgan davlatlarning kemalarini Ho‘rmuz bo‘g‘ozidan o‘tkazishini ma’lum qilgan edi.

Bu esa Ho‘rmuz bo‘g‘ozi orqali neft yetkazib berishni uzoq muddatga to‘xtatishi mumkinligi haqidagi xavotirlar fonida neft narxlarining 2022 yildan beri birinchi marta bir barrel uchun 100 dollardan oshishiga olib keldi.