Zelenskiy ilk bor kastyum kiydi

Ukraina prezidenti Vladimir Zelenskiy Niderlandiyada o‘tkazilgan rasmiy kechki ovqat marosimida birinchi marta urush boshlanganidan beri qat’iy siyosiy ko‘rinishda — qora klassik kastyumda namoyon bo‘ldi. Bu voqea Oq uydagi tanqidlardan keyin ro‘y berdi, u yerda uni ish uslubiga mos kiyimda emasligi uchun tanqid qilishgan edi.

Ushbu kechki qabul NATO sammiti doirasida tashkil etilgan bo‘lib, Niderlandiya qiroli Villem-Aleksandr va qirolichasi Maksima tomonidan Den Bosx saroyida o‘tkazildi. Qatnashchi mamlakatlar yetakchilari turmush o‘rtoqlari bilan kelgan, ammo jurnalistlarning e’tiborini faqat tadbirning o‘zi emas, balki Zelenskiyning tashqi ko‘rinishi ham jalb qildi.

Joriy yil mart oyida, Zelenskiy Vashingtonga tashrifi chog‘ida Oval ofisida o‘tkazilgan uchrashuvda ommaviy tanqidga uchragan edi. Bir jurnalist undan:

«Nima uchun siz kastyum kiymaysiz? Umuman olganda, sizda kastyum bormi?» — deb so‘ragan.
Prezident Donald Tramp va uning o‘rinbosari Jey Di Vans bu savolga kulishgan.

Zelenskiy esa o‘zini yo‘qotmagan holda javob bergan:

«Bu bilan muammoingiz bormi? Men urushda g‘alaba qozonib bo‘lgach kastyum kiaman — balki sizning kastyumingizdan ham yaxshirog‘ini».

Bu galgi chiqishda Zelenskiyning kiyimi avvalgi imijiga mos kelmadi: qora pidjak, qora rubashka, galstuksiz, qora tuflilar. Rossiya–Ukraina urushi 2022 yil fevralida boshlanganidan buyon bu uning birinchi marta rasmiy pidjakda chiqishidir.

Urush boshidan beri Zelenskiy rasmiy kastyum o‘rniga odatda Ukraina gerbi tushirilgan to‘q rangli futbolka, yoki harbiy kurtkada ko‘rinayotgan edi.

Gaagadagi sammit doirasida Zelenskiy Donald Tramp bilan uchrashishi kutilmoqda. Prezident devoni rahbari Andrey Yermak ma’lum qilishicha, muzokaralarda quyidagi masalalar ko‘riladi:

• Urush holati va Ukraina pozisiyasi

• Qurol yetkazib berish

• Rossiyaga qarshi sanksiyalar

Ermak ta’kidlagan:

«Kuch orqali tinchlik» — bu Moskva harakatlarini to‘xtatishning yagona yo‘li.

Ukraina razvedkasi so‘nggi oylarda ogohlantirmoqda: Rossiya yozgi hujum doirasida Sum va Dnepropetrovsk viloyatlarini bosib olishga urinishi mumkin. Rossiya prezidenti Vladimir Putin ham bu rejalarni tasdiqlab, Rossiya chegarasida bufer hudud yaratish zarurligini aytgan.