Ukraina prezidenti Vladimir Zelenskiy Germaniyaga Ukrainani tiklash bo‘yicha konferensiyada va federal kansler Olaf Shols bilan muzokaralarda ishtirok etish uchun keldi. Bu haqda 11 iyun, seshanba oqshomida Ukraina davlati rahbari ma’lum qildi.
«URC2024 hukumatlarni birlashtiradi, ulardan o‘ntasi Ukrainaga yordam berish uchun bosh vazirlar, kompaniyalar va tashkilotlar darajasida», — deb yozdi Zelenskiy.
Uning ta’kidlashicha, Olaf Shols bilan muzokaralarda mudofaani yanada qo‘llab-quvvatlash, Ukraina havo hujumidan mudofaa tizimini rivojlantirish va birgalikda qurol ishlab chiqarish masalalari muhokama qilinadi. Bundan tashqari, tinchlik sammiti, Yevropa kengashi sammiti va NATO sammiti arafasida pozisiyalar muvofiqlashtiriladi.
Zelenskiyning Germaniya prezidenti Frank-Valter Shtaynmayer va Bundestag rahbari Berbel Bas bilan ham uchrashishi rejalashtirilgan. Bundan tashqari, davlat rahbari ukrainalik harbiylar tayyorlanayotgan harbiy bazaga tashrif buyuradi.
