"Zelenskiy G‘arb kuchlarining qo‘g‘irchog‘idir. Ukrainaliklar uning boyib borayotganini juda yaxshi biladi"

Amerikalik jurnalist Taker Karlson Ukraina prezidenti Vladimir Zelenskiyni mamlakatni "sotishda" aybladi va uni "G‘arbning qo‘g‘irchog‘i" deb atadi.

"U [Zelenskiy] g‘oyatda mashhur emas, chunki u o‘z mamlakatini sotgan G‘arb kuchlarining qo‘g‘irchog‘idir. Ukrainaliklar uning va butun mamlakat rahbariyatining boyib borayotganini juda yaxshi bilishadi," - dedi Karlson.

Uning aytishicha, Zelenskiy "diktator ta’rifiga to‘la mos keladi." Karlson yana qo‘shimcha qildiki, Ukrainaga yordam berish "AQShning milliy manfaatlariga zarar yetkazmoqda."

Bundan oldin Karlson Rossiya prezidenti Vladimir Putinga nisbatan g‘azablanishga hech qanday sababi yo‘qligini ma’lum qilgan edi.