Avval turli hududlar FHDYo bo‘limlarining ish vaqti har xil bo‘lgan. Masalan, Toshkent shahrida dushanba — dam olish kuni bo‘lgan bo‘lsa, boshqa hududlarda ish kuni edi. Bu holat, mazkur ma’lumotga ega bo‘lmagan aholiga noqulaylik tug‘dirar edi.
Davlat xizmatlari agentligi axborot xizmati ma’lum qilishicha, agentlik mutaxassislari tomonidan ushbu masala qayta ko‘rib chiqilib, FHDYo bo‘limlarining to‘liq ish vaqti dushanba – juma kunlari etib belgilandi.
Eng muhimi, endilikda FHDYo bo‘limlari tomonidan shanba kunlari ham 9.00 dan – 15.00 ga qadar aholiga xizmat ko‘rsatiladi.
