Yuqori tezlikdagi internet barcha hududlarga qachon yetib borishi ma’lum bo‘ldi
O‘zbekistondagi barcha aholi yashash maskanlari yuqori tezlikdagi Internet tarmog‘i bilan 2026 yilga qadar to‘liq qamrab olinishi rejalashtirilgan. Bu haqda “O‘zbektelekom” AK matbuot kotibi Timur Mamajonov ma’lum qildi.
Unga ko‘ra, aholini yuqori tezlikdagi internet tarmog‘i bilan ta’minlash maqsadida mavjud infratuzilma zamonaviylashtirilmoqda: 2021 yilda 50 ming km.dan ziyod optik tolali aloqa liniyalari qurildi, 2022 yilda bu ko‘rsatkichni 60 ming km.ga yetkazish belgilandi.
