Yoqimli ishtaha! Mo‘ynoqda "Orol dengizi baliqlaridan 99 tur taomlar" festivali o‘tkazilmoqda

Manti, salat, somsa, pishiriqlar, pissa, desert... Bugun turli taomlarni faqat bir jihat birlashtirdi - ularning hammasi baliqdan tayyorlandi.

Ayni damda Qoraqalpog‘iston Respublikasining Mo‘ynoq tumanida Turizm va madaniy meros vazirligi tashabbusi bilan "Orol dengizi baliqlaridan 99 tur taomlar" festivali o‘tkazilmoqda. Maqsad Qoraqalpog‘istonda, xususan Mo‘ynoq tumanida o‘ziga xos bo‘lgan gastronomik turizm salohiyatini keng targ‘ib qilish, hududda madaniy va ko‘ngilochar tadbirlar sonini ko‘paytirish va bu orqali mahalliy va xorijiy turistlar tashrifini ko‘paytirishdir.

Ma’lumot uchun, bu festival 2018 yildan beri o‘tkazib kelinmoqda.