Isroilning "Channel 14" telekanali ma’lum qilishicha, Isroil harbiy-havo kuchlari Eronga qarshi hujumlarni qaytadan boshlagan. Shu bilan birga, Amerika nashri Axios xabar berishicha, "Isroil Eronga hujum qilish uchun yashil chiroq olgan".
Eronning Natanz yadroviy ob’ekti, Shiraz va Kermanshoh shaharlarida kuchli portlashlar yangrayotgani xabar qilinmoqda.
Juma kuni Isroil harbiy-havo kuchlari Eron shaharlaridagi bir qator nishonlarga navbatdagi hujumlar to‘lqinini amalga oshirdi. Bu haqda Yaqin Sharq ommaviy axborot vositalari guvohlar so‘zlariga tayangan holda xabar berdi.
Hujumlar asosan Shiraz, Xoramabod va Tebriz shaharlariga qaratilgani ma’lum qilindi.
