Yaponiyaning yangi Epsilon S qattiq yoqilg‘ili raketasining ikkinchi bosqich dvigatelini sinovdan o‘tkazayotganda yong‘in sodir bo‘lgan.
NHK telekanali Yaponiyaning JAXA aerokosmik agentligiga tayanib xabar berishicha, yong‘in Kagoshima prefekturasidagi Tanegashima kosmodromida sodir bo‘lgan.
Qayd etilishicha, voqea joyida yong‘in o‘chirish otryadlari ish olib bormoqda, Aerokosmik agentlik hodisaning sabablarini o‘rganmoqda.
