Yaponiyaning “Casio” kompaniyasi o‘zining birinchi smart-uzugini chiqardi, u ham noodatiy tashqi ko‘rinishi bilan ajralib turadi. Bu haqda “hi-tech.mail” nashri xabar berdi.
Kompakt o‘lchamlar — 25,2×19,5×6,2 mm — uni standart modelga nisbatan taxminan o‘n baravar kichik qiladi.
“CRW-001−1JR” uzuk-soati diametri 1 dyuymdan kam bo‘lgan kichik korpusga ega bo‘ldi. Unda vaqt: soat, daqiqa va soniyalarni aks ettiruvchi yanada miniatyurali olti segmentli LCD ekran o‘rnatilgan.
Shuningdek, uzukda sana, qo‘shimcha soat mintaqasi vaqti, sekundomer kabi parametrlarni boshqarish uchun uchta funksional tugma mavjud.
Soat ekrani yorug‘likka ega bo‘lib, ovozli signal o‘rniga displey miltillashi bilan uyg‘otish vazifasini bajaradi.
Qurilma bitta batareya bilan ishlaydi, “Casio” ma’lumotlariga ko‘ra, bu suv o‘tkazmaydigan soatning taxminan ikki yil ishlashini ta’minlaydi.
Qurilmani kichikroq barmoqlarga moslashtirish uchun “Casio” plastik qo‘shimchalarni o‘rnatishni taklif qiladi (quyida rasmda ko‘rsatilgan). Kattaroq barmoqlarga esa uzukni taqib bo‘lmaydi.
Batareya quvvati tugaganda, uni osongina almashtirish mumkin. Shuningdek, uzukning korpusi quyma, metalldan yasalgan.
Qayd etilishicha, yangi devays dekabr oyida Yaponiya bozorida 19 800 iyena (tahminan $127) narxda sotuvga chiqariladi.
Mudofaa vazirligi murojaat bilan chiqdi
Dunyoning tabiiy zaxirlari qiymati bo‘yicha eng boy 10 mamlakati
Filipp Kirkorov qidiruvga berildi
