Yaponiya Putinning Kuril orollariga tashrifidan so‘ng javob choralarini ko‘rib chiqmoqda

Yaponiya hukumati Rossiya prezidenti Vladimir Putinning janubiy Kuril orollariga tashrifidan so‘ng mumkin bo‘lgan javob choralarini ko‘rib chiqmoqda.

Bu haqda Yaponiya jamoatchilik teleradiosi(NHK) xabar berdi.

Ko‘rib chiqilayotgan variantlardan biri Ukrainadagi urush tufayli Yaponiya tomonidan joriy etilgan Rossiyaga qarshi sanksiyalarni kuchaytirishdir.

Yaponiya jamoatchilik teleradiosi "allaqachon sovuqlashgan Yaponiya-Rossiya munosabatlari yanada yomonlashadi" deb bashorat qilmoqda.

Avvalroq Yaponiya Tashqi ishlar vazirligi Putinning Iturup oroliga tashrifi munosabati bilan Rossiyaning Tokiodagi elchisi Nikolay Nozdrevni chaqirtirgan edi.

Yaponiyada janubiy Kuril orollari "Shimoliy hududlar" deb ataladi. Yaponiya to‘rtta orolga da’vo qilmoqda: Kunashir, Iturup, Shikotan va Xabomay guruhi. Rossiya bu orollar ustidan o‘z suverenitetini saqlab qoladi va unga qarshi chiqilmaydi. Moskva 2022 yilda Tokioning Rossiyaga qarshi sanksiyalariga javoban ikki mamlakat o‘rtasidagi tinchlik shartnomasi bo‘yicha muzokaralarni to‘xtatib qo‘ygan edi.