Eron Ho‘rmuz bo‘g‘ozi ustidan nazoratni to‘liq qo‘lga olgan

Bunday bayonot Eronning “Xotam al-Anbiyo” markaziy qo‘mondoligi tomonidan berildi.

"Qo‘shma Shtatlarning Ho‘rmuz bo‘g‘ozi orqali kemalar bemalol o‘tayotgani bo‘yicha bildirgan asossiz da’volari uydirma va yolg‘ondan boshqa narsa emas. Ho‘rmuz bo‘g‘ozi, avval bo‘lganidek, Tehronning to‘liq boshqaruvi va nazorati ostidadir. Eronning qudratli qurolli kuchlari ruxsati va nazoratisiz hech bir tijorat kemasi yoki neft tankeri ushbu bo‘g‘ozdan xavfsiz o‘ta olmaydi va bu holat bundan keyin ham davom etadi", deyiladi qo‘mondonlik bayonotida.