Yaponiya malikasi Yuriko Mikasa 101 yoshida olamdan o‘tdi. Bu haqda NHK kanali xabar berdi.
Yuriko hozirgi imperator Naruxitoning bobosi imperator Xiroxitoning ukasi shahzoda Takaxitoning bevasi edi.
Malika Yuriko shu yilning 3 mart kuni Tokioning Chuo-ku shahridagi Avliyo Luka xalqaro kasalxonasiga miya infarkti va aspirasion pnevmoniya tufayli yotqizilgan edi.
Bundan tashqari, u yengil pnevmoniya alomatlari paydo bo‘lganligi sababli, avgust oyining o‘rtalaridan sentyabr oyining boshigacha yana uch hafta davomida reanimasiya bo‘limida davolangan.
Shundan so‘ng uning ahvoli yomonlashdi va Imperator uy xo‘jaligi agentligi ma’lumotlariga ko‘ra, malika bugun, 15 noyabr kuni vafot etdi.
