21 oktyabr kuni parlament quyi palatasida bo‘lib o‘tadigan yangi bosh vazir saylovi oldidan Sigeru Isiba boshchiligidagi butun Yaponiya hukumati iste’foga chiqdi.
Bu haqda bosh vazir devoni ma’lum qildi.
Isiba 386 kun davomida Yaponiya bosh vaziri lavozimida ishladi.
Bir necha soatdan so‘ng parlamentning asosiy quyi palatasi navbatdan tashqari sessiyaga yig‘iladi, uning davomida Liberal-demokratik partiyaning yangi raisi Sanae Takaiti bosh vazir etib saylanadi va Yaponiyaning birinchi ayol bosh vaziri bo‘ladi. Ovoz berishdan bir kun oldin parlamentda ko‘pchilik o‘ringa ega bo‘lmagan Liberal-demokratik partiya Konservativ “Yaponiya yangilanish jamiyati” partiyasi bilan alyans tuzishga muvaffaq bo‘ldi va Takaitining saylanishini kafolatladi.
Sanae Takaiti kunning oxirida yangi hukumatni tuzadi. Yaponiya matbuotiga ko‘ra, 2019 yildan 2021 yilgacha bu lavozimda ishlagan Tosimisu Motegi tashqi ishlar vaziri bo‘lishi kutilmoqda. Motegi Liberal-demokratik partiya saylovlarida Takaitining raqiblaridan biri edi. Xabarlarga ko‘ra, uning partiyaning ichki saylovlardagi yana bir raqibi, 44 yoshli Sindziro Koidzumi (sobiq bosh vazir Dzyun’itiro Koidzumining o‘g‘li) Mudofaa vaziri bo‘ladi, Yaponiya mudofaa vazirligini boshqaradigan eng yosh shaxsga aylanadi, deb xabar berdi report.az.
Toshkentda bo‘lajak kuyov qizni aldab, hovlisini sotib yuborgani yuzasidan rasmiy ma’lumot berildi
Rossiya qamog‘iga tashlangan o‘zbek jamiyati rahbari ozod qilinmaydigan bo‘ldi
Kreml Trampning “front chizig‘ini muzlatish” haqidagi bayonotlariga izoh berdi
