Yaponiya dunyodagi eng tezkor poyezdni yaratmoqda — u Yevropaga yetib boradimi?

Yaponiya Central Japan Railway Company (JR Central) tomonidan ishlab chiqilayotgan L0 seriyali maglev poyezdi soatiga 603,5 km tezlikka erisha oladi. Bu uni dunyodagi eng tezkor poyezdga aylantiradi. Hozirda yagona tijorat maglev poyezdi hisoblangan Xitoyning Shanxay maglevi esa 460 km/soat tezlikka ega.

L0 seriyali poyezd magnetik levitasiya texnologiyasi asosida ishlaydi — u relslarga tegmasdan, magnitlar yordamida havoda harakatlanadi. Shu sababli ishqalanish deyarli yo‘q va juda yuqori tezlikka chiqish mumkin.

Qurilayotgan Chuo Shinkansen liniyasi orqali Tokio–Nagoya orasidagi safar vaqti 40 daqi highlighting gacha qisqaradi. Kelajakda Nagoya–Osaka yo‘nalishi ham ishga tushirilishi rejalashtirilgan. Loyihaning umumiy qiymati taxminan 52 milliard funt sterlingga baholanmoqda. Dastlab 2027 yilga mo‘ljallangan ochilish sanasi hozirda 2034–2035 yillarga surilgan.

Evropada esa eng tezkor poyezdlar — Fransiyaning TGV va Italiyaning AGV Italo — 300–350 km/soat tezlikda harakatlanadi.

Mutaxassislar fikricha, L0 seriyali poyezdning Yevropa yoki Buyuk Britaniyada ishga tushirilishi qiyin. Sabab — u mavjud temiryo‘l infratuzilmasiga mos emas, alohida liniyalar va ko‘plab tunnellar talab qiladi. Shuningdek, energiya sarfi yuqori va yo‘lovchi sig‘imi Yevropadagi oddiy tezyurar poyezdlarga nisbatan kamroq.

Shu bois, hozircha bu ultra tezkor poyezd Yaponiya doirasida qolishi ehtimoli yuqori.