Yana bir mas’uliyatsiz avtobus haydovchisiga svetaforning taqiqlovchi (qizil) chirog‘iga buysunmasdan harakatlangani uchun qonuniy chora ko‘rildi

Ijtimoiy tarmoqlarda davlat raqam belgisi 01 637 BKA bo‘lgan “Saz Le60” rusumli avtobus haydovchisi harakat davomida svetaforning taqiqlovchi (qizil) chirog‘iga buysunmasdan harakatlanganligi aks etgan videolavha tarqalgan. Ushbu holat yuzasidan Toshkent shahar IIBB YHXB xodimlari tomonidan haydovchi 1981 yilda tug‘ilgan B.E.ga nisbatan O‘zbekiston Respublikasi Ma’muriy javobgarlik to‘g‘risidagi kodeksning 128 prim 4 moddasi 2 qismi bilan ma’muriy bayonnoma rasmiylashtirilib, avtobus yo‘lovchilarining hayotini xavf ostiga quyganligi yuzasidan haydovchi bilan profilaktik suhbat olib borildi.