23 sentyabr kuni Slovakiyada COVID-19 bilan kasallanish bo‘yicha kunlik rekord qayd etilgani xabar qilindi. Sog‘liqni saqlash vazirligi ma’lumotlariga ko‘ra, mamlakatda o‘tgan sutka davomida 338 nafar odamning koronavirusga chalingani aniqlangan.
Slovakiya Yevropa qit’asida koronavirusdan eng kam o‘lim hollari qayd etilayotgan mamlakatlardan biri hisoblanadi. Lekin Evropaning boshqa mamlakatlari singari Slovakiyada ham bu oyda yangi kasallanish hollari keskin tarzda oshmoqda.
23 sentyabr holatiga ko‘ra, Slovakiyada 7269 kishi koronavirus bilan kasallandi va 41 kishi vafot etdi.
