Yaman Vakillar palatasi (parlament) onlayn majlisda Yaman Prezidentlik kengashi yetakchisi Rashad al-Alimiy tomonidan husiylarga qarshi kurashish uchun umumiy safarbarlik e’lon qilish bo‘yicha kiritilgan iltimosnomani ma’qulladi.
Qayd etilishicha, ushbu chora e’lon qilingan vaqtdan e’tiboran kuchga kiradi va uni qabul qilishga sabab bo‘lgan holatlar bartaraf etilguniga qadar amal qiladi. Parlament bayonotiga ko‘ra, qaror umumiy safarbarlikni tartibga soluvchi Yaman Konstitusiyasining 37-moddasiga, shuningdek milliy mudofaa, favqulodda choralar va fuqaro muhofazasiga oid boshqa konstitusiyaviy va huquqiy qoidalarga asoslangan.
Shu bilan birga, parlament Saudiya Arabistoni boshchiligidagi Arab davlatlari koalisiyasini qo‘llab-quvvatlashini tasdiqladi hamda milliy birlikka hamda siyosiy kuchlar harakatlarini muvofiqlashtirishga chaqirdi.
Ma’lumot uchun, 2014 yilning sentyabr oyida isyonchi husiylar Yaman poytaxti Sana shahrini egallab olgan. Shundan so‘ng, mamlakatda ikkita hokimiyat markazi shakllandi: xalqaro hamjamiyat tomonidan tan olingan hukumat asosan mamlakat janubi va sharqini, husiylar esa poytaxt Sana hamda shimol va g‘arbning katta qismini nazorat qilmoqda.
10 yildan beri qidiruvda bo‘lgan o‘zbekistonlik ISHIDchi, «Choyxona» rahbari AQShga ekstradisiya qilindi
Netanyaxu nutqi paytida zalni tark etgan davlatlar ro‘yxati
Ra’no Shodiyeva uchun og‘ir judolik
