"Qoraqalpog‘iston Respublikasi, viloyatlar va Toshkent shahrida hamda tuman (shahar)larda xotin-qizlar jamoatchilik kengashlarini tashkil etish to‘g‘risida” Hukumat qarori (486-son, 14.08.2020 y.) qabul qilindi.
📋 Qaror bilan Qoraqalpog‘iston Respublikasi, viloyatlar va Toshkent shahrida hamda tuman (shahar)larda xotin-qizlar jamoatchilik kengashlari to‘g‘risidagi namunaviy nizom tasdiqlandi.
✅ Unga ko‘ra, xotin-qizlar kengashlari o‘z ishini jamoatchilik asosida olib boradigan, doimiy faoliyat yurituvchi maslahat-kengash organi hisoblanadi.
📌 Xotin-qizlarni qo‘llab-quvvatlash, ularning huquqlari va qonuniy manfaatlarini himoya qilish, xotin-qizlarning ijtimoiy-siyosiy hayotdagi roli va faolligini oshirish bo‘yicha takliflar ishlab chiqish xotin-qizlar kengashlarining asosiy vazifalaridan biridir.
♻️ Xotin-qizlar kengashlari tuman (shahar)larda 15-25 nafar, Qoraqalpog‘iston Respublikasi, viloyatlar va Toshkent shahrida 30-40 nafar a’zodan iborat bo‘ladi.
💼 Xotin-qizlar kengashlarining tarkibi har uch yilda Mahalla va oilani qo‘llab-quvvatlash vazirligining (vazirlik) tegishli hududiy bo‘linmalari boshliqlari tomonidan tasdiqlanadi.
✅ Vazirlik hududiy bo‘linmalari boshliqlarining birinchi o‘rinbosarlari bir vaqtning o‘zida xotin-qizlar kengashlariga raislik qiladi.
❕Xotin-qizlar kengashlarining qarorlari tavsiyaviy xususiyatga ega.
Eslatib o‘tamiz, xotin-qizlar jamoatchilik kengashlari Prezidentning PF–5938-son Farmoniga muvofiq tashkil etilgan.