"Manchester Siti" hujumchisi Erling Xolandning "Barselona"ga o‘tishi haqidagi xabarlar yana matbuotda muhokama qilinmoqda.
El Nacional nashrining xabar berishicha, norvegiyalik futbolchining kelajagi Manchester klubining moliyaviy qoidalarni buzgani yuzasidan ko‘rilayotgan ish natijasiga bog‘liq bo‘lishi mumkin.
2027 yil boshida "Manchester Siti" mazkur ish bo‘yicha yakuniy qarorni bilishi kutilmoqda.
Agar klubning sport istiqboliga salbiy ta’sir ko‘rsatadigan jazo qo‘llanilsa, Xoland jamoasini o‘zgartirish imkoniyatini ko‘rib chiqishga tayyor bo‘ladi.
Biroq transferni amalga oshirish uchun dastlab futbolchining o‘zi "Barselona"ga o‘tishga rozilik bildirishi kerak.
Shundan keyingina Kataloniya klubi transfer strategiyasini ishlab chiqishi va ehtimoliy kelishuv shartlarini belgilashi mumkin.
Manbaga ko‘ra, "Barselona" Xoland rozilik bildirishi mumkin bo‘lgan klublardan biri hisoblanadi. Ammo hozircha norvegiyalik hujumchi "Manchester Siti"ning moliyaviy qoidabuzarliklari bo‘yicha qarorni kutmoqda.
26 yoshli Erling Xolandning transfer qiymati Transfermarkt portali tomonidan 220 million yevroga baholanmoqda.
O‘zbekiston - Rossiya uchrashuvining eng zo‘r o‘yinchisiga bir kilo pomidor berildi
Ponomaryov: "O‘zbekiston terma jamoasi umuman futbol o‘ynashni bilmaydi"
Argentina terma jamoasida Messining 10-raqami kimga nasib etishi mumkinligi ma’lum bo‘ldi
