Xoland 850 ming so‘m sabab qamoqqa tushishi mumkin

"Manchester Siti" hujumchisi Erling Xoland Shveysariyadagi yo‘l-harakati qoidalari uchun to‘lanmagan jarima sabab bir kunga hibsga olinishi mumkin.

Jarima miqdori 60 frank (850 ming so‘m atrofida)ni tashkil etadi. Qayd etilishicha, futbolchi shu sabab tufayli Shveysariya qoidalari bo‘yicha qamoqxonada bir kunni o‘tkazishi kerak.

Xoland joriy mavsum "Manchester Siti" tarkibida 17 ta o‘yinda maydonga tushib, 15 ta gol urdi. Uning "shaharliklar" bilan shartnomasi 2027 yilning yoziga qadar mo‘ljallangan.