Xitoy umrni 120 yilgacha uzaytiruvchi dori ishlab chiqmoqda

Shenchjendagi Lonvi Biosciences Xitoy startapi umrni 120 yilgacha uzaytira oladigan dori ishlab chiqmoqda, deb xabar beradi The New York Times.

Amerika nashri ta’kidlaganidek, Lonvi Biosciences uzum urug‘i ekstraktida mavjud bo‘lgan birikmalar asosida qarishga qarshi dorilar ishlab chiqmoqda.

Kompaniyaning ma’lumotlariga ko‘ra, ular sog‘lom hujayralarga zarar yetkazadigan qarish hujayralarini yo‘q qiladigan noyob molekulani ishlab chiqdilar.

Nashrda uzum urug‘lari uzoq vaqtdan beri ham G‘arb madaniyatida, ham an’anaviy xitoy tibbiyotida foydali oziq-ovqat deb hisoblangani ta’kidlangan.

Nashrga ko‘ra, Lonvi Biosciences faol molekulalarning yuqori konsentrasiyasiga ega kapsulalarni ishlab chiqarish texnologiyasini ishlab chiqdi.

Kompaniyaning fikricha, uning tabletkalari sog‘lom turmush tarzi va sifatli tibbiy yordam bilan birlashtirilganda odamlarga 100 yildan 120 yilgacha yashashga yordam beradi.