Gruziyada halokatga uchragan turk samolyoti bortidagilarning barchasi halok bo‘ldi

Turkiyaning S-130 harbiy-transport samolyoti Gruziyada qulashi oqibatida bortdagilarning barchasi halok bo‘ldi.

AnewZ nashri voqea joyidan Gruziyaning Ozarbayjon bilan chegaradosh Sig‘nagi munisipalitetida ma’lum qildi.

Xabarda aytilishicha, tasdiqlangan ma’lumotlarga ko‘ra, halokatga uchragan samolyot bortidagi 20 kishining barchasi halok bo‘lgan.

"Samolyot mahalliy vaqt bilan soat 14:19 da Ganja aeroportidan havoga ko‘tarildi va qisqa vaqt o‘tgach, signal bermasdan radarlardan g‘oyib bo‘ldi. Samolyot qoldiqlari Xolagiri monastiri yaqinidagi tik yonbag‘irlar bo‘ylab tarqalib ketgan va birinchi bo‘lib mahalliy aholi tomonidan topilgan. Qidiruv-qutqaruv guruhlari qiyin ish olib borishmoqda", - deydi u. .

Qayd etilishicha, Gruziyada aviasiya xavfsizligini buzish ehtimoli bo‘yicha jinoiy ish qo‘zg‘atilgan. Ishlar Turkiya va Ozarbayjon bilan kelishilgan holda va bevosita ko‘magida olib borilmoqda.

Eslatib o‘tamiz, 11 noyabr kuni Ozarbayjondan Turkiyaga yo‘l olgan S-130 samolyoti Gruziya hududida halokatga uchragan edi. Samolyot bortida 20 nafar harbiy xizmatchi bo‘lgan.