Xitoy TIV Rossiya armiyasidagi xitoyliklar haqidagi savolga javob berdi

Xitoy TIV Rossiya armiyasi safida Ukrainaga qarshi urushayotgan 155 nafar xitoylik haqida hech qanday ma’lumotga ega emasligini ma’lum qildi.

Xitoy Tashqi ishlar vazirligi vakili Lin Szyan jirnalistlarning shu haqdagi savoliga "Bizda bu masalada ulashadigan hech qanday ma’lumot yo‘q", deb javob berdi.

"Shuni alohida ta’kidlashni istardimki, Xitoyning Ukraina inqiroziga nisbatan pozisiyasi ob’ektiv va adolatli. Biz o‘t ochishni to‘xtatish va tinch muzokaralarga ko‘maklashishga intilamiz. Bu xalqaro hamjamiyat uchun ham yaxshi ma’lum”, — deya qo‘shimcha qildi Szyan.

Avvalroq Xitoy Tashqi ishlar vazirligi rasmiy Pekin Rossiya armiyasiga ko‘ngilli sifatida borayotgan xitoyliklarga aloqador emasligini bildirgandi. Asirga olingan xitoyliklardan biri ham Rossiya tomonida urushga hukumat buyrug‘i bilan emas, balki ixtiyoriy ravishda qatnashganini aytgan edi.