Brifingda Xitoy Xalq Respublikasi Tashqi ishlar vazirligi rasmiy vakili Mao Ning "Tayvan mustaqilligi"ni qo‘llab-quvvatlovchi kuchlarning provokasiyalari javobsiz qolmasligini aytdi. Bu haqda TASS yozmoqda.
"Tayvanning mustaqilligi Tayvan bo‘g‘ozidagi tinchlik bilan mos kelmaydi. Orolning "mustaqilligi" tarafdorlarining provokasiyalar yaratishga qaratilgan sa’y-harakatlari javobsiz qolmaydi" - dedi Xitoy Tashqi ishlar vazirligi vakili.
Mao Ning, shuningdek, Tayvan bo‘g‘ozida barqarorlikka intilayotgan davlatlarni "Tayvan mustaqilligi" tarafdorlariga qarshi turishga chaqirdi. Shu bilan birga, u XXR o‘z suvereniteti va hududiy yaxlitligini himoya qilishda davom etishini ta’kidladi.
