Pekin yana bir bor mojaroning barcha tomonlarini Rossiya va Ukraina o‘rtasidagi urushni hal qilish uchun harakat qilishga chaqirdi. Xitoy TIV rasmiy vakili Mao Nin Fransiya prezidenti Emmanuel Makronning Ukraina hududiga G‘arb qo‘shinlarini yuborish imkoniyati haqidagi so‘zlariga izoh berish so‘roviga shunday javob qaytardi, deb xabar beradi RIA Novosti agentligi muxbiri Pekindan.
26 fevral kuni Parijdagi yig‘ilishda 20 ga yaqin G‘arb davlati vakillari Ukrainani qo‘llab-quvvatlash uchun yig‘ilgan edi. Undan so‘ng Makron ishtirokchilar G‘arb davlatlarining quruqlikdagi kuchlarini Ukrainaga yuborish ehtimoli bo‘yicha konsensusga kela olmaganini aytdi, biroq kelajakda bunday stsenariyni ham istisno etmadi.
Konferensiyadan so‘ng aksariyat ishtirokchi davlatlar vakillari qo‘shin yuborishni rejalashtirmaganliklarini yoki ularni urush hududiga yuborishga qarshi ekanliklarini aytishdi.
