Bir qator Yevropa Ittifoqi davlatlari tashqi siyosat qarorlarini qabul qilishda yakdillik tamoyilidan voz kechish va malakali ko‘pchilik ovoz berish tamoyiliga o‘tish imkoniyatlarini o‘rganmoqda.
Bu Yevropa Ittifoqiga Vengriyaning Ukraina bo‘yicha pozisiyasini chetlab o‘tishga ham yordam beradi.
Nashrning yozishicha, 10 ga yaqin davlatdan iborat guruh muayyan qarorlarni qabul qilish qoidalarini o‘zgartirish bo‘yicha takliflar kiritilgan hujjatni tayyorlab, YEIga a’zo davlatlar o‘rtasida tarqatgan. Agentlikning qayd etishicha, bu Yevropa Ittifoqiga tezroq harakat qilish imkonini beradi va alohida davlatlarni ittifoqning aksariyat mamlakatlari tomonidan qo‘llab-quvvatlanadigan choralarni bloklash imkoniyatidan mahrum qiladi.
Ko‘pchilik ovoz berish yo‘li bilan qaror qabul qilish tamoyiliga o‘tish uchun Bryussel Yevropa Ittifoqiga a’zo bo‘lgan barcha 27 davlatning roziligini olishi kerak, deyiladi maqolada.
Avvalroq Vengriya tashqi ishlar va tashqi iqtisodiy aloqalar vaziri Peter Siyarto Budapesht Yevropa Ittifoqining Ukraina bo‘yicha hech qanday qarorini, xususan, uni energiya resurslari bilan ta’minlovchi Rossiya kompaniyalariga nisbatan YEI sanksiyalarini joriy etishni qo‘llab-quvvatlamasligini aytgan edi.
Maktablarda 1 sentyabrdan smartfondan foydalanish taqiqlanadi
Kapadze: "Agar terma jamoamizni Bentu boshqaradigan bo‘lsa, xayrli bo‘lsin deyman"
AQSh Kongressiga nomzod Valentina Gomes Qur’onni yoqib yubordi
