Xitoy asteroidlarga qarshi mudofaa tizimini qurmoqchi

2024 YR4 nomli asteroid 8 yildan so‘ng Yerga tushishi mumkin. NASA prognoziga asoslanib, xitoylik astronomlar xavfning aniq darajasini aniqlash uchun monitoringni davom ettirishlari kerakligini aytdi.

Lianhe Zaobao xabariga ko‘ra, Xitoy Yer yaqinidagi asteroidlarga qarshi mudofaa tizimini qurishga kirishgan.

Xitoylik astronomlarning aytishicha, bu bashoratdan xavotirlanishga asos yo‘q. Ularning so‘zlariga ko‘ra, hozirda asosiy vazifa asteroid orbitasini diqqat bilan kuzatish va uning aniq trayektoriyasini hisoblashdan iborat. Agar u kelajakda insoniyat uchun haqiqiy tahdid bo‘lib qolsa, potensial mudofaa strategiyalari ham ko‘rib chiqiladi. Bu yo‘nalishda Xitoy “Erga yaqin asteroidlardan himoya tizimini” yaratishga kirishdi. “Sayyor himoyasi” masalasida ham jahon olimlari hamkorlikda ishlamoqda.

Nashrning yozishicha, yaqinda AQSh Milliy aeronavtika va fazoni tadqiq qilish boshqarmasi (NASA) 2024 YR4 asteroidining 2032 yilda Yerga tushishi ehtimoli 2 foiz ekanligini ma’lum qilgan. Osmon jismi ilk bor 2023 yil 27 dekabrda aniqlangan.

Hozirda bu asteroid Yer tomon 48 million kilometr masofadan uchib ketmoqda. Asteroidning Yerga tushishi ehtimoli juda past bo‘lsa-da, olimlar uni diqqat bilan kuzatib, qo‘shimcha ma’lumot olishga harakat qilmoqdalar.

Olimlarning fikricha, bu asteroidning diametri 40-90 metr orasida. Shuning uchun u "Yonuvchan" darajadagi asteroidlar toifasiga kirmaydi.

"Yonuvchan" asteroidlar diametri 1 kilometr yoki undan kattaroq bo‘lgan kosmik jinslar bo‘lib, ular Yerdagi hayotga tuzatib bo‘lmaydigan zarar etkazishi mumkin.