Dunyoning eng yakkalangan mamlakatlaridan biri hisoblangan Turkmanistonda so‘nggi paytlarda sezilarli o‘zgarishlar kuzatildi. Ashxobodda Azat Seyitmuhammedov tomonidan asos solingan "Wabrum" kabi elektron tijorat startaplarining paydo bo‘lishi bu sohaning mamlakatda rivojlana boshlaganidan dalolat beradi.
Agentlikning xabar berishicha, Turkmaniston hukumati cheklovlar saqlanib qolayotgan bo‘lsa-da, texnologik innovasiyalar va ijtimoiy o‘zgarishlarga kengroq yo‘l ochib berdi.
1991 yilda mustaqillikka erishgach, birinchi prezident Saparmurat Niyozov davrida mamlakat "doimiy neytral" deb e’lon qilingan va dunyodagi eng qat’iy viza rejimlaridan biri joriy etilgan edi. Ammo 2022 yilda Serdar Berdimuhamedov hokimiyatga kelgach, viza tartibini soddalashtirish, Jahon savdo tashkilotiga a’zo bo‘lish va iqtisodiyotni tarmoqlashtirish borasida intilishlar boshlandi. G‘arb diplomatlari boshqaruv elitasida islohotlarga bo‘lgan qiziqish ortganini va shaxsiy erkinliklar bir oz kengayganini qayd etdi.
Shu bilan birga, Turkmaniston jamiyatida ham katta o‘zgarishlar yuz berdi. Internetning sekinligi va senzuraga qaramay, yoshlar orasida VPN orqali Instagram va TikTok kabi ijtimoiy tarmoqlardan foydalanish ommalashdi. Savdo markazlarida o‘smirlar TikTok uchun videolar oldi, sport maktablarida esa breyk-dans kabi zamonaviy yo‘nalishlar rivojlandi. Shunday bo‘lsa-da, mamlakatda siyosiy nazorat hamon qat’iyligicha qolmoqda va iqtisodiyotda dollarning ikki xil kursi mavjudligi xorijiy investorlar uchun qiyinchilik tug‘diryapti, deyiladi maqolada.
Zelenskiy Putinning G‘alaba bayrami munosabati bilan sulh e’lon qilish g‘oyasiga munosabat bildirdi
Mojtaba Xomanaiy Putinga maktub yo‘llagani ma’lum bo‘ldi
Xitoy aholisi Fransiya darajasida qisqarishi mumkin: Iqtisodiyot xavf ostida
