AQSh prezidenti Donald Trampning Xitoyga qarshi siyosati sababli Xitoydagi neftni qayta ishlash zavodlari (NQIZ) tomonidan Amerika neftini xarid qilish hajmi 90 foizga qisqardi. O‘tgan yilning iyun oyida eng yuqori ko‘rsatkich - 29 million barreldan mart oyida 3 million barrelgacha tushdi. Bu haqda Bloomberg nashriyoti Vortexa ma’lumotlariga asoslanib xabar bermoqda.
AQShdan keltirilgan neft o‘rnini Kanada nefti egalladi. Mart oyida Xitoyning Kanada nefti importi kuniga misli ko‘rilmagan 7,3 million barrelga yetdi. Aprel oyida savdo urushining boshlanishi bu tendensiyani yanada kuchaytirdi.
Kanada-Xitoy energetika va ekologiya forumi prezidenti Venran Szyan ta’kidlashicha, savdo urushini hisobga olgan holda, Xitoyning Amerika nefti yetkazib berishni ko‘paytirishi ehtimoldan uzoq. Biroq mamlakat Kanada xomashyosini mamnuniyat bilan qabul qilmoqda, chunki u faqat Rossiya yoki Yaqin Sharq neftiga bog‘lanib qolishni istamasligini bildirdi.
Kanada nefti sifat jihatidan Xitoyning eng zamonaviy neftni qayta ishlash zavodlari uchun mos keladi. Bozorga yaqinligi esa uni Iroqning o‘xshash Basrah Heavy neftidan arzonroq qiladi.
