«Barselona» bosh murabbiyi Xavi Neymarning «Barselona»ga qaytishi mumkinligi haqidagi xabarlarga munosabat bildirdi.
Kataloniya klubi ustozining so‘zlariga ko‘ra, Neymarning jamoaga qaytarilishi klub rejalaridan o‘rin olmagan.
«Bunday xabarlar hayron qoldirdi. Neymar rejalarimizdan o‘rin olmagan. Ney ajoyib yigit, yaxshi do‘st, ammo hozirda klubning rejalari boshqacha», - deydi Xavi.
Avvalroq, «PSJ» Neymarni transferga qo‘ygani, braziliyalik futbolchi Kataloniya klubiga o‘tish uchun maoshi kamayishiga rozi ekani haqida xabar qilingandi.
