"Kupyansk, Kondrashovka, Kurilovka, Petropavlovka va boshqa aholi punktlaridan tinch aholi evakuasiya qilinmoqda", — deya aniqlik kiritdi mahalliy harbiy boshqarma rahbari Oleg Sinegubov.
Uning so‘zlariga ko‘ra, mintaqadagi harbiy vaziyat yomonlashmoqda va bunday sharoitda hokimiyat aholini “issiqlik, elektr energiyasi va insonparvarlik yordami” bilan ta’minlay olmaydi.
Sinegubovning aytishicha, Kupyansk tumanidagi Oskol daryosining sharqiy qirg‘og‘ida to‘rt mingga yaqin tinch aholi qolmoqda. Rossiya armiyasi bir necha oydan beri ushbu zonaga kirishga harakat qilmoqda, chunki daryo unga qo‘lga kiritilgan pozisiyalarni ushlab turishga yordam beradi.
