Kecha ijtimoiy tarmoqlarda Grozniyda yuqori martabali Checheniston amaldorlari ishtirokida yo‘l-transport hodisasi haqidagi xabar tarqaldi. Keyinchalik, unda Adam Qodirovning korteji ishtirok etgani haqida xabarlar paydo bo‘ldi.
Checheniston muxolifati harakati manbalarga tayanib, yuqori tezlikda harakatlanayotgan kortej to‘siqqa duch kelganini, natijada bir nechta transport vositalarining to‘qnashuviga sabab bo‘lganini da’vo qilmoqda.
Manbalarning xabar berishicha, baxtsiz hodisadan so‘ng, Grozniy markazidagi ko‘chalar yopildi va jabrlanuvchi — ehtimol Adam Qodirov — respublika kasalxonasiga olib ketildi. Biroq, kichik Qodirov, shuningdek, boshqa jarohatlanganlarning soni va ahvoli haqida aniq yoki tasdiqlangan ma’lumot yo‘q.
Ammo Grozniy rasmiylari Chimayevning ahvoli haqida xabar berishdi.
Chechenistondagi bir nechta manbalar baxtsiz hodisa haqidagi xabarni tasdiqladi. Ularning ba’zilari UFC chempioni Xamzat Chimayevning avtohalokat paytida Adam Qodirov bilan birga mashinada bo‘lganini xabar qilgandi (Manba: Ingushetiyaning "Fortan"ga nashri). Biroq, dastlab voqea haqida ma’lumot tarqatgan Checheniston muxolifati harakati Chimayev haqidagi xabarlarni tasdiqlamadi. Shunga qaramay, rasmiy Grozniy sportchi tirik va sog‘-salomat ekanligini aytib, Xamzat haqidagi xabarlarni rad etdi.
"Chimayev ishtirokidagi halokatli baxtsiz hodisa haqidagi ma’lumotlar bugun ijtimoiy tarmoqlarda keng tarqalmoqda. Lekin u hozir Dubayda. Uning ahvoli yaxshi", - dedi "Chechnya Segodnya" axborot agentligi Adam Qodirovni tilga olmagan holda.
Alonso "Real"dan iste’foga chiqarilgach, ilk bor o‘z fikrlarini bildirdi
Xabi Alonsoning rafiqasi uning «Real»dan ketishiga munosabat bildirdi
Yurgen Klopp qachon «Real»ni qabul qilib olishi mumkinligi aytildi
