World Boxing federasiyasi matbuot xizmati dunyoning eng yaxshi havaskor boks ustalarining ro‘yxatini e’lon qildi.
Ro‘yxatga boks afsonasi Muhammad Ali, kubaliklar Feliks Savon va Teofilio Stivenson, ukrainalik Vasiliy Lomachenko, amerikalik Klarissa Shilds va ikki karra Olimpiada chempioni, o‘zbekistonlik Bahodir Jalolov kiritilgan.
«2025-yilda Liverpulda bo‘lib o‘tadigan boks bo‘yicha jahon chempionatida, albatta, yangi olimpiada boks yulduzlari dunyoga keladi. Biz sizdan eshitmoqchimiz: Olimpiada boks uslubidagi tarixdagi eng buyuk bokschi kim?» — deyiladi rasmiy Instagram sahifasida.
Qayd etish kerakki, 2024-yilgi Parij Olimpiadasidan so‘ng o‘zbekistonlik bokser havaskor boksdagi faoliyatini yakunlab, professional ringga o‘tgan edi. U hozirgacha o‘tkazgan so‘nggi jangini 5-aprel kuni Astanada o‘tkazib, hakamlar bir ovozdan qaroriga ko‘ra ukrainalik Igor Shevadzutskiyni mag‘lub etdi.
Gvardiola Husanov sariq kartochka olgan vaziyat haqida fikr bildirdi
Elmurod Haqnazarov braziliyalik raqibidan ustun keldi
"Zaxiramizda boshqa Shomurodov, Yusupov va Husanov yo‘q!"
