Rossiya prezidenti Vladimir Putinning Ostonaga tashrifi 27 noyabr kuni bo‘lib o‘tadi. Bu haqda 7 noyabr kuni Qozog‘iston tashqi ishlar vaziri Murat Nurtleu ma’lum qildi, deb yozadi «Vedomosti».
«Bugungi kunda Qozog‘iston-Rossiya munosabatlari barcha yo‘nalishlarda muvaffaqiyatli rivojlanmoqda. Bunga davlatlarimizning an’anaviy muntazam aloqalari, Rossiya prezidenti Vladimir Putinning 27 noyabr kuni Qozog‘istonga bo‘lajak davlat tashrifi yordam bermoqda», - dedi Nurtleu Moskva va Ostona o‘rtasidagi strategik ittifoq maqomiga to‘xtalib.
Rossiya tashqi ishlar vaziri Sergey Lavrov bu ma’lumotni tasdiqladi.
«Bizning [Rossiya va Qozog‘iston] o‘rtamizdagi munosabatlar yuksalib bormoqda. 27 noyabr kuni Qozog‘istonga davlat tashrifiga jiddiy tayyorgarlik ko‘rilmoqda, o‘nlab hujjatlar bo‘lajak sammitni imkon qadar to‘ldirish maqsadida ularni tayyorlash tezlashtirilgan», — dedi Lavrov.
Rossiya prezidenti Qozog‘istonga oxirgi marta 3 iyul kuni Shanxay hamkorlik tashkiloti sammitida ishtirok etish uchun tashrif buyurgan edi.
