Vinisius Junior diskvalifikasiya qilindi

Vinisius Junior La Liganing ikkita o‘yiniga diskvalifikasiya qilindi.

Eslatib o‘tamiz, "Real" vingeri "Valensiya"ga qarshi o‘yinda (2:1) qizil kartochka oldi - u darvozabon Stole Dimitriyevskini orqasidan turtib yubordi.

Ispaniya Qirollik futbol federasiyasining tartib-intizom qo‘mitasi braziliyalik futbolchini ikki chempionat o‘yiniga diskvalifikasiya qilishga qaror qildi. U "Las-Palmas" va "Valyadolid"ga qarshi o‘ynay olmaydi.

Qayd etish kerakki, jazo Ispaniya Superkubogi bahslariga taalluqli emas. Vinisius 9 yanvar kuni "Malyorka"ga qarshi o‘yinda ishtirok etishi mumkin bo‘ladi.