Vyetnam poytaxti Xanoy shahridagi karaoke-barda sodir bo‘lgan yong‘in oqibatida kamida 11 kishi halok bo‘ldi. Bu haqda mahalliy polisiyaga tayanib Reuters xabar berdi, deb yozadi Report.az.
Voqea joyiga yetib kelgan qutqaruvchilar binodan yetti kishini qutqarib, ulardan ikki nafarini shifoxonaga yetkazgan.
Vyetnam jamoat xavfsizligi vazirligining xabar berishicha, bir kishi “o‘t qo‘yganlikda” gumonlanib hibsga olingan.
Ma’lumotlarga ko‘ra, u muassasa xodimlari bilan janjaldan keyin binoning birinchi qavatiga benzin quyib, uni yoqib yuborgan.
Tegishli bo‘linmalar hodisaning barcha holatlarini aniqlamoqda, deyiladi xabarda.
Propan narxi tushishda davom etmoqda, benzin esa....
Kelajakda Rossiya yangi hududlarni bosib oladi
Uchinchi jahon urushi bo‘yicha taxminlar bildirildi
