NATO va Yevropa Ittifoqi Vengriyani BMTda Rossiya Federasiyasi va Belarus vakillari bilan uchrashmaslikka chaqirdi. Bu haqda Vengriya tashqi ishlar vaziri Siyyarto Xitoyning CGTN telekanaliga bergan intervyusida ma’lum qildi.
Siyyartoning ta’kidlashicha, bunday yondashuv BMTning mojarolarni hal etish platformasi sifatidagi asosiy vazifasiga ziddir.
“Men NATO va Yevropa Ittifoqidagi hamkasblarimiz va ittifoqchilarimiz ushbu Bosh Assambleyadan muloqot maydoni sifatida foydalanishni haqiqatdan ham istamasligini ko‘ryapman. Ular bizni Rossiya va Belarus vakillari bilan uchrashmaslikka ko‘ndirishga harakat qilishdi. Lekin menimcha, bu boshi berk ko‘cha. Agar siz nizolari bo‘lganlar bilan bog‘lana olmasangiz va bu mojarolarni muhokama qila olmasangiz, biz hech qachon tinch yo‘l bilan yechim topa olmaymiz”, — dedi Vengriya tashqi ishlar vaziri.
U, shuningdek, BMT hatto davlatlar o‘rtasidagi eng keskin mojarolarni ham hal etishda muloqot uchun ideal joy ekanligiga ishonchini yana bir bor ta’kidladi.
"Birlashgan Millatlar Tashkiloti hatto bir-biri bilan urushayotgan va jiddiy kelishmovchiliklarga ega bo‘lgan davlatlar uchun platforma sifatida yaratilgan", dedi Siyyarto.
Kelajakda Rossiya yangi hududlarni bosib oladi
Saudiya Arabistoni xazina topdi, neft konlarida «oq oltin» aniqlandi
Suriyaning yangi rahbari Isroilga signal yubormoqda
