Evropa Ittifoqi davlatlari tashqi ishlar vazirlari Rossiyaga qarshi sanksiyalarni uzaytirishga kelishib olganini Yevropa diplomatiyasi rahbari Kaya Kallas X'da ma’lum qildi.
"Evropa o‘z va’dasini bajarmoqda: Yevropa Ittifoqi tashqi ishlar vazirlari hozirgina Rossiyaga qarshi sanksiyalarni yana uzaytirishga rozi bo‘lishdi," deya yozdi u.
"Bu qadam Moskvani urushni moliyalashtirish uchun daromadlardan mahrum etishni davom ettiradi," deb ta’kidladi Kallas.
O‘z navbatida, Vengriya tashqi ishlar va tashqi iqtisodiy aloqalar vaziri Peter Siyyarto Budapesht Yevropa Komissiyasidan talab qilingan energiya xavfsizligi kafolatlarini olganini, bu kafolatlarsiz Rossiyaga qarshi sanksiyalarni uzaytirishdan bosh tortayotganini ma’lum qildi.
"Evropa Komissiyasi Yevropa Ittifoqiga a’zo mamlakatlarga olib boruvchi gaz va neft quvurlarini himoya qilish majburiyatini o‘z zimmasiga oldi," deya u o‘zining Facebook sahifasida yozdi.
Diplomatiya idorasi rahbari, shuningdek, Yevropa Komissiyasi Ukrainadan "Evropa Ittifoqiga neft yetkazib berishni saqlab qolish" bo‘yicha kafolatlar talab qilganini qo‘shimcha qildi.
Ukrainalik asir: "Ukraina Qurolli kuchlari qariyb uch yildan beri xorijiy snaryadlardan foydalanib kelmoqda"
Rossiya harbiylari Ukraina Qurolli kuchlarining qurol zavodi va aerodromiga zarba berdi
AQSh mudofaa vazirining qo‘lida arabcha yozilgan tatuirovka bormi?
