Vengriya Xalqaro jinoiy suddan chiqishni rejalashtirmoqda - OAV

Bu haqda Vengriya adliya vaziri Bens Tusson elchilar bilan yopiq uchrashuvda ma’lum qildi, deya xabar beradi “Ozodlik” radiosi.

Nashrning yozishicha, Vengriyani XJC tarkibidan chiqarish haqidagi siyosiy qaror ancha oldin qabul qilingan , biroq Budapesht AQSh prezidenti Donald Trampning bu boradagi pozisiyasini kutayotgan edi.

Tramp Isroil bosh vaziri Binyamin Netanyaxuni hibsga olish orderi bilan bog‘liq holda XJCga qarshi sanksiyalar e’lon qilganidan so‘ng , Vengriya hukumati buni “yashil chiroq” sifatida qabul qildi, deb xabar beradi Ozodlik radiosi.

Ta’kidlash joizki, Netanyaxu payshanba kuni Vengriyaga to‘rt kunlik tashrifini boshlaydi . Rasmiy ravishda mamlakat rasmiylari uni XJC orderi asosida hibsga olishlari kerak edi, biroq bosh vazir Viktor Orban bu sodir bo‘lmasligiga kafolat berdi.