Vengriya TIV: "Biz Yevropa Ittifoqining Gruziya rahbariyatiga qarshi sanksiyalar qo‘llashiga yo‘l qo‘ymaymiz"

Vengriya hech qachon YEIning Gruziya rahbariyatiga qarshi sanksiyalar joriy etishiga rozi bo‘lmaydi.

Bu haqda Vengriya tashqi ishlar vaziri Peter Siyyarto Budapeshtda Tbilisi meri Kaxa Kaladze bilan bo‘lib o‘tgan uchrashuvdan so‘ng jurnalistlarga ma’lum qildi.

"Biz vengerlar hamisha gruzinlarni qo‘llab-quvvatlaymiz; Yevropa Ittifoqiga mamlakat rahbariyatiga qarshi sanksiyalar qo‘yishiga hech qachon yo‘l qo‘ymaymiz. Vengerlar suv oqimiga qarshi suzish nima ekanligini bilishadi. Biz liberal asosiy oqimga ergashishdan bosh tortish nima ekanligini bilamiz", - dedi Vengriya tashqi ishlar vaziri.