Vengriya Yevropa Ittifoqining Isroil parlamentining Falastin davlatini tuzishga qarshi rezolyusiyasini qoralagan bayonotiga veto qo‘ygan yagona Yevropa Ittifoqi davlatiga aylandi. Shu munosabat bilan bosh diplomat Josep Borrel bayonot berdi. Bu haqda Euronews telekanali xabar berdi.
Evropa Ittifoqi Isroil parlamenti qarorining Yaqin Sharqdagi mojaroni keyingi hal etish uchun muhimligini hisobga olib, barcha 27 a’zo davlat nomidan so‘zlashni rejalashtirgan.
Yigirmata Yevropa Ittifoqi davlati bayonotga kichik o‘zgartirishlar taklif qildi, biroq Vengriya vetoni bekor qilishga rozi bo‘lmadi. Natijada Josep Borrel nomidan bayonot e’lon qilindi.
💬 «Falastin davlatini barpo etishning barqaror yo‘li siyosiy jarayonning muhim tarkibiy qismidir. Falastin xalqiga umid va istiqbolning yo‘qligi mojaroni yanada kuchaytiradi», — deyiladi diplomat bayonotida.
Avvalroq Budapesht Yevropa Ittifoqining Isroilni G‘azo sektori janubidagi Rafah shahriga hujum qilmaslikka chaqirgan bayonotini bloklagan va G‘arbiy Sohildagi zo‘ravonlik uchun mas’ul bo‘lgan isroillik ko‘chmanchilarga qarshi sanksiyalar joriy etilishiga to‘sqinlik qilgan edi.
