Venesuela neftini tashish faqat AQSh qonunlari asosida amalga oshiriladi

AQSh ma’muriyati Venesuela neftini faqat AQSh qonunchiligi va milliy xavfsizligiga mos keladigan tashishga ruxsat beradi.

Bu haqda Oq uy apparati rahbari o‘rinbosari Stiven Miller bayonot berdi.

"Faqat AQSh qonunchiligi va milliy xavfsizligiga mos keladigan dengiz energiyasini tashishga ruxsat beriladi", deb yozdi u ijtimoiy tarmoqdagi sahifasida, Pentagon kotibi Pit Xegsetning AQSh Venesuela neftini tashuvchi kemalarni blokada qilishda davom etishi haqidagi postiga izoh berib.

"Venesuela energetika sektori Qo‘shma Shtatlar tomonidan o‘rnatilgan qonuniy va ruxsat etilgan tijorat kanallari orqali cheksiz iqtisodiy salohiyatga ega”, — deya qo‘shimcha qildi Miller.

Avvalroq Pentagon Rossiyaning “Mariner” neft tankeri Atlantika okeanida qo‘lga olingani haqida xabar bergan edi. Operasiya AQSh Adliya vazirligi va Ichki xavfsizlik departamenti tomonidan harbiylar bilan kelishilgan holda amalga oshirildi. Shu bilan birga, Xegset "Mariner"ni hibsga olish operasiyasini Venesuelaga qarshi neft embargosi bilan bog‘ladi.