Deportasiya qilingan va Salvadorda saqlanayotgan venesuelalik muhojirlarga AQShning munosabati "insoniyatga hujum"dir. Bu haqda payshanba kuni Venesuela mudofaa vaziri Vladimir Padrino Lopes ma’lum qildi.
"Venesuelalik muhojirlar bilan sodir bo‘layotgan narsa - qo‘pol narsa... bu Venesuelaga qilingan hujum emas, bu insoniyatga qilingan hujum", dedi u Bolivar milliy milisiyasining 16 yilligini nishonlash chog‘ida.
"Muhojirni venesuelalik bo‘lgani uchungina qo‘lga olish, hibsga olish va qamoqqa olish, uni samolyotga mindirish, qo‘liga kishan solish va boshqa davlatga joylashtirish Venesuelaga qilingan hujum emas, balki insoniyatga qilingan hujumdir”, deb ta’kidladi vazir.
Vashington insonlarning asosiy huquqlarini poymol qilmoqda, shuningdek, Venesuelaga qarshi uning iqtisodiyotini bo‘g‘ib qo‘yish va yanada beqarorlashtirishga qaratilgan “yangi sanksiyalar to‘lqini”ni joriy qilmoqda, deya qo‘shimcha qildi V. Padrino Lopes.
